အရှိန်လွန်ကာ လူနေရပ်ကွက်အတွင်း ၀င်ရောက်ခဲ့သော ယာဉ်ကို တွေ့ရစဉ်
ခရီးသည်တင်ယာဉ်တစ်စီး အရှိန်လွန်ကာ လူနေရပ်ကွက် အတွင်း ၀င်ရောက်သွားခဲ့သဖြင့် ကလေးတစ်ဦး သေဆုံးပြီးနှစ်ဦးဒဏ် ရာရရှိကာ ယာဉ်ခြောက်စီး ပျက်စီးမှုဖြစ်ပွားခဲ့ကြောင်း ရန်ကုန်တိုင်း ဒေသကြီး ကြိုးမဲ့ကြေးနန်းနှင့် ယာဉ်ထိန်းတပ်ဖွဲ့မှူးရုံးမှ သိရှိရပါသည်။
၂၀၁၂ ခုနှစ် ဇူလိုင်လ ၂၁ ရက်နေ့ ညနေ ၄ နာရီအချိန်တွင် မင်္ဂလာဒုံမြို့နယ် ပြည်လမ်းအတိုင်း တောင်မှမြောက်သို့ ယာဉ်မောင်း ကို---- မောင်းနှင်လာသော ၆ခ/-----(၅၁)လိုင်းမ.ထ.သ ခရီးသည် တင်ယာဉ်သည် လှည်းဂိတ်မှတ်တိုင် အနီး (၁၄)လမ်းထိပ်အရောက်တွင် အရှိန်လွန်ကာ (၁၄) လမ်းအတွင်း သို့ရောက်ရှိသွားပြီးယင်းရှေ့မှ လမ်း လျှောက်သွားနေသော ဗိုလ်လောင်း တစ်ဦးနှင့်အမျိုးသမီးတစ်ဦးတို့အား တိုက်မိပြီး ယာဘက်လမ်းဘေးတွင် ရပ်ထားသော ၈က/---- အဖြူ ရောင်အငှားယာဉ်နှင့် ယင်းယာဉ် ရှေ့အနီးတွင်ရှိနေသူ မောင်---- အားတိုက်မိခဲ့ကြောင်း သိရသည်။
ဆက်လက်၍ တစ်ဖက်လမ်းတွင် ရပ် ထားသော ၇ခ/--- ဒဂုံဂျစ်အစိမ်း ရောင်၊ ၇ခ/--- အငှားယာဉ်နှင့် ၇က/--- အငှားယာဉ်၊ မစီး ဂျပန် စက်ဘီးတစ်စီး၊ ၆က/---အငှားယာဉ်တို့ကိုတိုက်မိသဖြင့်ယာဉ် ခြောက်စီးနှင့် စက်ဘီးပျက်စီးကာ မောင်---တွင် ဒဏ်ရာများရရှိကာ အခင်း ဖြစ်ပွားရာနေရာ၌ သေဆုံး ခဲ့သည်။ဗိုလ်လောင်းတစ်ဦးနှင့် အမျိုးသမီးတစ်ဦးတို့တွင် ဒဏ်ရာများရရှိကာ တပ်မတော်ကုတင် ၁၀၀၀ ဆေးရုံ ကြီးတွင် အတွင်းလူနာများအဖြစ် ကုသရပြီး ယာဉ်မောင်းမှာ အခင်းဖြစ်နေရာတွင် ယာဉ်ကိုထားကာ ထွက်ပြေးသွားကြောင်း သိရှိရပါ သည်။
အဆိုပါဖြစ်စဉ်နှင့် ပတ်သက်၍ မင်္ဂလာဒုံ ရဲစခန်း (ပ)၄၇၁/၂၀၁၂ ပြစ်မှုပုဒ်မ ၃၀၄(က)/၃၃၈/၂၇၉/ ၂၀၂တို့ဖြင့် အမှုဖွင့်ထားပြီး အမှု စစ်မှ ကျူးလွန်သူအား ဖမ်းဆီးရမိရေး ဆောင်ရွက်လျက်ရှိကြောင်း သိရသည်။
eleven media
0 comments:
Post a Comment