<div style='background-color: none transparent;'></div>
Home » » မန္တလေးတိုင်းဒေသကြီး ပြည်ကြီးတံခွန်မြို့နယ်၌သုံးနှစ်ကလေး ဗြောက်အိုး ဖောက်ရာမှ အိမ် ၁၅ လုံးမီးလောင်

မန္တလေးတိုင်းဒေသကြီး ပြည်ကြီးတံခွန်မြို့နယ်၌သုံးနှစ်ကလေး ဗြောက်အိုး ဖောက်ရာမှ အိမ် ၁၅ လုံးမီးလောင်


မန္တလေးတိုင်းဒေသကြီး ပြည်ကြီးတံခွန်မြို့နယ်၌ အောက်တိုဘာ ၁၆ ရက်နေ့တွင် အသက်သုံးနှစ်အရွယ် ကလေးတစ်ဦးက မီးခြစ်ဖြင့် ဗြောက်အိုးဖောက် ကစားရာမှ အိမ်ခြေ ၁၅ လုံး မီးလောင်ဆုံးရှုံးခဲ့ပြီး အိမ်ထောင်စု ၂၃ စု အိုးမဲ့အိမ်မဲ့ ဖြစ်ခဲ့ကြောင်း မန္တလေးတိုင်းဒေသကြီး မီးသတ်ဦးစီးဌာနထံမှ သိရသည်။

ပြည်ကြီးတံခွန်မြို့နယ် ချမ်းသာယာရပ်ကွက် ရဲမော်စိုက်ကွင်း အရှေ့ပိုင်း (၁၁) လမ်း၊ အကွက်အမှတ် (၈၉၁) တွင် ယင်းနေ့ ညနေ ၃ နာရီ ၁၅ မိနစ်ခန့်က စတင်လောင်ကျွမ်းခဲ့ပြီး မိနစ် ၃၀ ခန့်အကြာတွင် မီးငြိမ်းသွားခဲ့ကြောင်း ယင်းမီးသတ်ဦးစီးဌာနရှိ မှတ်တမ်းများအရ သိရသည်။


ယင်းမီးလောင်မှုကြောင့် နံရံကပ် နှစ်ထပ်အဆောက်အအုံ တစ်လုံး၊ သွပ်မိုးထရံကာ နှစ်ထပ်အိမ်သုံးလုံးနှင့် မြေစိုက်ထရံကာ သွပ်မိုးအိမ် ၁၁ လုံး မီးလောင်ကျွမ်းခဲ့ပြီး ဆုံးရှုံးမှုပမာဏ ကျပ်သိန်းပေါင်း ၁၀၀ နီးပါး ရှိကြောင်း အဆိုပါ မှတ်တမ်းများအရ ထပ်မံသိရှိရသည်။


အဆိုပါ မီးလောင်မှုနှင့် ပတ်သက်၍ ကလေး၏ ဖခင်ဖြစ်သူ ကိုနိုင် (ခ) ဦးနိုင်လင်းညွှန့်ကို ပ- ၅၃၈/၂၀၁၃ အရ ပြည်ကြီးတံခွန်မြို့နယ် ရဲတပ်ဖွဲ့စခန်းတွင် အမှုဖွင့် အရေးယူထားကြောင်း မန္တလေးတိုင်းဒေသကြီး မီးသတ်ဦးစီးဌာနထံမှ သိရသည်။


၂၀၁၂ ခုနှစ် အောက်တိုဘာလမှ ယခုနှစ် အောက်တိုဘာလအထိ မန္တလေးခရိုင် ခုနစ်မြို့နယ်အတွင်း မီးလောင်မှု အကြိမ်ရေ ၉၂ ကြိမ် ရှိခဲ့ပြီး အဆိုပါ မီးလောင်မှုများကြောင့် ဆုံးရှုံးမှုတန်ဖိုး ကျပ်သိန်း တစ်ထောင့် ရှစ်ရာ ကျော် ရှိခဲ့ကြောင်း မန္တလေးတိုင်းဒေသကြီး တိုင်းမီးသတ် ဦးစီးဌာမှ တာဝန်ရှိသူ တစ်ဦးက ပြောကြားသည်။
 
 
တွဲလက်များ

Share this article :

0 comments:

Post a Comment

 
Copyright © 2011. အောင်သက်ခိုင် . All Rights Reserved
| Contact Us | Privacy policy | Term of use | Widget | Advertise with Us | Site map