(၂၀)ရက်နေ့ညနေပိုင်းတွင် ကျောင်းသားလေးတစ်ဦး ဓါတ်လိုက်သေဆုံးသွားကြောင်း သိရပါတယ်။
အောင်ပန်းမြို့ ဇောတိကလေးရွာမှ ဒေသခံတစ်ဦးမှ သတင်းပေးခဲ့တဲ့အတွက် အောင်ပန်းရဲစခန်းမှ တာဝန် ရှိ သူတွေက သွားရောက် စစ်ဆေးခဲ့ပြီး ကလေးငယ်အလောင်းကို အောင်ပန်းမြို့ ပြည်သူ့ဆေးရုံသို့ ပို့ပေး ခဲ့ ပါတယ်။
ဇောတိကလေးရွာမှ ဦးဟန်သိန်းမှ `` ကျွန်တော်အလုပ်က ပြန်လာတုန်း လဲနေတဲ့ ဓါတ်တိုင်နားမှာ ကလေး တစ်ယောက် သေ ဆုံးနေတာတွေ့ပါတယ်။
ကျွန်တော် အနားကိုကပ်ပြီး သွားကြည့်တော့ ကလေး က အသက် မရှိတော့ဘူး။ ကျောင်းသားဝတ်စုံနဲ့ လွယ်အိတ်လေးပါ တွေ့ရတယ်။
ကလေးရဲ့ ယာ ဘက်ပေါင် နဲ့ ၀ဲဘက် လက်တွေမှာ စုတ်ပြဲဒဏ်ရာတွေနဲ့ ဓါတ်လိုက်သေဆုံးနေတာ ဖြစ်ပါတယ်။ ကျွန်တော် လည်း ချက်ခြင်း ရဲစခန်းကို အကြောင်းကြား သတင်းပေးခဲ့ပါတယ်။
ကလေးရဲ့ဖခင် က တော့ ဇောတိကလေးရွာ မှ ဦးဇော် ဖြစ်ပါတယ်။ ဒီအဖြစ်အပျက်ကလေးကို နမူနာယူပြီး မိဘတွေ အနေနဲ့ ကလေးငယ်တွေကျောင်းသွား၊ ကျောင်းပြန် တွေကို လူကြီးတစ်ယောက်ယောက်မှ ကြို/ပို့ ပေးစေ ချင်ပါတယ်။
အခုလိုဖြစ်တော့ ကျွန်တော်တို့ တစ်ရွာလုံး စိတ်မကောင်းဖြစ်နေကြပါတယ်။ ကလေးရဲ့ မိဘတွေဆိုရင် ဘယ်လောက်တောင် ခံစားရမလဲဆိုတာ အားလုံး ကိုယ်ချင်းစာကြမှာပါလို့ ´´ ပြောပြသွားပါတယ်။
ရှမ်းသံသတင်းစဉ်
0 comments:
Post a Comment