Home »
သတင်း
» မော်စကိုတွင်ဖြစ်ပွားသည့် ခိုငှက် Zombie ရောဂါ လူများထံသို့လည်း ကူးစက်နိုင်
မော်စကိုတွင်ဖြစ်ပွားသည့် ခိုငှက် Zombie ရောဂါ လူများထံသို့လည်း ကူးစက်နိုင်
Tuesday, August 20, 2013
ရုရှားနိုင်ငံ၊ မော်စကိုမြို့တော်ရှိ ခိုများကြား ပျံ့နှံ့ ကူးစက်နေသော ရောဂါ
တစ်မျိုးအတွက် ပညာရှင်များက အလေးထား စောင့်ကြည့်နေကြောင်း
သိရှိရသည်။ မီဒီယာများက ခိုများ၏ Zombie ရောဂါဟု အမည်ပေးထားသည့် အဆိုပါ
ကူးစက်ရောဂါသည် ခိုပေါင်း အတော်များများကို သေဆုံးစေခဲ့သည်။ အဆိုပါ ရောဂါ
ကူးစက်ခံရသော ခိုငှက်များသည် သည်းထိတ်ရင်ဖို Zombie ဇာတ်ကားများထဲမှ
ဖုတ်ကောင်များကဲ့သို့ အသိမဲ့စွာ လျှောက်သွားနေပြီး ကားများ၊ လူများကိုလည်း
ကြောက်လန့်ရမှန်း မသိတော့ချေ။
ပြီးခဲ့သည့် သီတင်းပတ်က ရုရှား တိရစ္ဆာန် ဆေးဝါးကုသမှုနှင့် ရောဂါ
ရှာဖွေ စောင့်ကြည့်ရေး ဌာနက ယင်းသည် ခိုများတွင် Newcastle Diseaseခေါ်
ရောဂါတစ်မျိုး သက်ရောက်နေ၍ဟု ပြောကြားခဲ့သည်။ ယင်းရောဂါသည်
လူများထံသို့လည်း ကူးစက်နိုင်ဖွယ် ရှိနေသည်။ မော်စကို တိရစ္ဆာန်
ဆေးဝါးကုသရေး ကော်မတီက ခိုများ အများအပြား သေ
ဆုံးခြင်းသည် Salmonella
အစာအဆိပ်သင့်မှုကြောင့် ဖြစ်နိုင်ကြောင်း အစောပိုင်းက မှတ်ချက်ပြုခဲ့သည်။
ယင်းသည် အူလမ်းကြောင်းတွင် ပိုးမွှားဝင်ရောက်မှု တစ်ခုဟု ဆိုနိုင်ပြီး
တိရစ္ဆာန်ရော၊ လူသားများတွင်ပါ
ဖြစ်ပေါ်နိုင်သည်။ သုတေသီများသည် သေဆုံးသွားသော ငှက်များတွင် အသည်းနှင့် အစာအိမ် အူလမ်းကြောင်းများနှင့် ဒဏ်ရာအနာများ တွေ့ရှိခဲ့ကြ
သည်။ မော်စကိုမြို့တော်၏ လူမှုရေးဌာန ဒုတိယ အကြီးအကဲ လီယိုနစ်
ပီချတ်နီကော့ဗ်ကမူ ယခုကူးစက်မှုသည် အူလမ်းကြောင်း ပိုးဝင်မှု တစ်ခုသာဖြစ်ပြီး
လူများသို့ သက်ရောက်နိုင်ခြေ မရှိဟု ပြောကြားထားသည်။
ရုရှား
ကျန်းမာရေး သုတေသီ တစ်ဦးဖြစ်သူ ဂန်နာဒီ အိုနီရှက်ခ်ျကိုက "လောလောဆယ်
မီဒီယာတွေမှာ ကူးစက်ရောဂါဆိုတဲ့ အသုံးအနှုန်းကို တွင်တွင်ကျယ်ကျယ်
သုံးနှုန်းနေတယ်။ ဒါပေမဲ့ ကျွန်တော်တို့ ဘာမှ အတည်မပြုနိုင်သေးပါဘူး။
အရေးကြီးတာက ကလေးကစားကွင်းတွေ အနေအထားကို ကျွန်တော် အထူးတလည်
စိုးရိမ်မိတယ်။ တကယ်လို့ နေအိမ်ခြံဝင်းထဲမှာ သေနေတဲ့ ငှက်တွေ တွေ့ရင်
အဲဒီနေရာကို ပိုးသတ်ဆေးနဲ့ သေချာဆေးပစ်ရပါမယ်။ နောက်တစ်ချက်က ငှက်သေကို
ကိုင်တွယ်တဲ့အခါမှာ ရော်ဘာလက်အိတ်ကို မဖြစ်မနေ သုံးပါ"ဟု ပြောကြား
ခဲ့သည်။ လူသားများတွင် ဖြစ်တတ်သည့် Salmonella သက်ရောက်မှုတွင်မူ (၅)ရက်မှ
(၇)ရက်အတွင်း သက်သာ ပျောက်ကင်းသွားလေ့ ရှိသည်။ အဆိုပါ အခြေအနေတွင်
လူများသည် အဆစ်အမြစ်များ နာကျင်တတ်သလို မျက်စိများ ကျိန်းစပ်ခြင်း၊
ဆီးသွားရာတွင် နာကျင်ခြင်းများ ဖြစ်ပေါ်
တတ်ကြောင်း သိရှိရသည်။
အေးချမ်းမွန်...................မှ
0 comments:
Post a Comment