ဘဝဆိုတာ မွေးဖွားသည့် အချိန်မှစ၍ သေဆုံးသည့် အချိန်ထိ ဘဝဟုဆိုပါလျှင် လူ့လောကထဲ ၂ရက်သာ ရောက်ရှိခဲ့ပြီး ၃ရက်မပြည့်ခင် အချိန်လေးမှာ လူမမယ်ကလေးရဲ့ ဘဝဟာ သေဆုံးခြင်းဆိုတဲ့ အချိန်ကို ရောက်ရတာ မြန်လွန်းလှပါတယ်။
"ရင်သွေးဟူက ချစ်မဝ"တဲ့ ဆိုရိုးစကားရှိတဲ့အတိုင်း မိခင်တွေဟာ သန္ဓေသားကို ဝမ်းမှာ လွယ်ထားတဲ့ အချိန်မှစ မွေးဖွားတဲ့အချိန်ထိ မိမိရဲ့ရင်သွေး ဖြူလား၊ မဲလား မသိခင်ကတည်းက အနေအထိုင် အစားအသောက် အသွားအလာ ဂရုစိုက်ပြီး မေတ္တာတရား အပြည့်ပေးခဲ့ပြီး ချစ်ခဲ့ကြပါတယ်။
ဝမ်းမှမွေးဖွားလာပြန်တော့ ကိုယ်မွေးတဲ့ ရင်သွေးမှာ ခြေလက်အင်္ဂါစုံရဲ့လား၊ ကျန်းမာရဲ့လားဆိုတဲ့ စိုးရိမ်ပူပန်ခြင်းတွေနဲ့ မွေးဖွားခဲ့ရပြန်ပါတယ်။ ပြည့်စုံကောင်းမွန်ဖို့ ဆုတောင်းရတာလည်း မိခင်တွေရဲ့ ရင်ထဲမှာ အကြိမ်ကြိမ်အခါခါပါဘဲ။
အကယ်၍များ ဝဋ်ကြွေးကံကြမ္မာများပါခဲ့လို့ မိမိရဲ့ ရင်သွေးမွေးလာတဲ့ ကလေးမှာ ကိုယ်လက်အင်္ဂါမစုံ၊ ချို့တဲ့မှု့တွေ၊ ရောဂါတွေ ဘယ်လောက်ပဲ ဖြစ်နေပါစေ သားသမီးဆိုတာ ရတနာဘဲမို့ မပစ်ရက်ဘဲ သနားအကြင်နာပိုပြီး အရိပ်တကြည့်ကြည့်နဲ့ နို့ချိုတိုက်ကြွေး ချစ်ခင်မှုအပြည့်နဲ့ မေတ္တာတွေပေးခဲ့ကြတဲ့ မိခင်တွေရဲ့ မေတ္တာဟာ အနှိုင်းအဆမဲ့ ကြီးမားလှပါတယ်။
ဒီလိုမေတ္တာတွေ အခြေခံပြီး မိခင်နဲ့သားလေးတစ်ယောက်အကြောင်း ကျွန်မရင်ထဲမှာ မေ့မရတဲ့အတွက် ခံစားမျှဝေမိပါတယ်။
၂၀၁၃ခုနှစ် သြဂုတ်လ ၁၄ရက် ဗုဒ္ဓဟူးနေ့ ညအချိန်ကာလဖြစ်ပါတယ်။ ကျွန်မတို့ရဲ့မြို့ တာချီလိတ်မှာ နေထိုင်တဲ့ ကိုသိန်း......... နဲ့ မမြင့်........ တို့ရဲ့သားလေးဟာ လူ့လောကကို ရောက်ရှိလာခြင်းမှာ ၂ ရက်ဘဲ ရှိပါသေးတယ်။ ဒီကလေးရဲ့ ရှေးဘဝက ဝဋ်ကြွေးကံကြမ္မာ ပါလာတယ်လို့ ဆိုရမလား။ မွေးရာပါဖြစ်တဲ့ နှာခေါင်းဝထိပ်မှာ အသားပိုလုံး ၂လုံးပါရှိပြီး၊ အသက်ရှုဖို့ခက်ခဲစွာနဲ့ ဖြတ်သန်းနေရပါတယ်။
နှုတ်ခမ်းလေးကလည်း ကွဲနေခဲ့ပါတယ်။ နောက်ထပ် ဆိုးဝါးချက်ကတော့ ဝမ်းဗိုက်သားပါးလွှာပြီး ဝမ်းထဲမှာရှိတဲ့ အူတွေ မြင်နေရတဲ့ အူကျွံတဲ့ ဝေဒနာလက္ခဏာ ပါလာခဲ့ပြန်ပါတယ်။ ဘယ်လောက် သနားစရာကောင်းလိုက်တဲ့ ကလေးလေးလဲလို့ ကျွန်မစိတ်မကောင်းဖြစ်ရပါတယ်။
ဒီလိုဝဋ်ကြွေး ကံကြမ္မာတွေပါလာတဲ့ ကလေးလေးကို မိဘတွေအနေနဲ့ ပြစ်ရက်ပါ့မလား၊ သားလေးရဲ့ အဖြစ်ကို မကြည့်ရက်တဲ့အတွက် တဖက်နိုင်ငံဆေးရုံကို အမြန်သွားရောက်ကုသပေးခဲ့ပေမယ့် ဆရာဝန်တွေ လက်လျှော့လို့ ပြန်ခဲ့ရတဲ့ ကလေးရဲ့ ဘဝဟာ ဘယ်လိုပုံစံဖြစ်နေပါစေ မိမိရဲ့ ရင်သွေးကလေးကို သနားကြင်နာမှု့တွေနဲ့ မပြစ်ရက် ချစ်လျက်ပါဘဲ။
ဒါပေမယ့် ဘယ်လောက်ပဲ ကိုယ့်ရင်သွေးလေးကို ချစ်နေပါစေ ဘဝကံကြမ္မာကို မလွန်ဆန်နိုင်တဲ့အတွက် ၂ရက်သာရှိပါသေးတယ် ထွက်မသွားပါရစေနဲ့လို့ မရဏသေမင်းရဲ့ အမိန့်ကို တားဆီးလွန်ဆန်လို့ မရခဲ့ပါဘူး။ မိခင်ရဲ့ နို့ချိုကိုတိုက်ကျွေးလို့မှ အားမရသေး ဒီအမေနဲ့ ဒီသားလေးကို ရက်စက်တဲ့ ကံတရားက ရုတ်တရက်ခွဲလိုက်ကြပြီပေါ့။
၂၀၁၃ခုနှစ် သြဂုတ်လ ၁၄ရက် ည ၇ နာရီအချိန်မှာ လူ့လောကကို ၂ရက်ဘဲ ရောက်ရှိလာပြီး လူ့လောကအကြောင်း ဘာမှမသိခင်အချိန်မှာဘဲ ပြန်လည်ထွက်ခွာသွားခဲ့ပါတယ်။ ကလေးလေး သေဆုံးသွားတော့ ကျွန်မတို့ မဇ္ဈိမလူမှုကူညီရေးအသင်းကို ကူညီပေးဖို့ ပြောလာပါတယ်။ ကလေးရဲ့ အဖွားဟာ ကျွန်မတို့ အသင်းဝင်တစ်ဦးဖြစ်တဲ့အတွက် ကျွန်မတို့ ဘယ်လိုကူညီရမလဲဆိုတာ မေးခဲ့ပါတယ်။ အဖွားနဲ့တကွ မိဘနှစ်ပါးက ညမိုးချုပ်ကြီး ဒီကလေးကို မစွန့်ပစ်ရက်ပေမယ့် ရှေးကျတဲ့ အယူသီးမှုတွေက ရက်သားကလေးမို့ ကြမ်းနွေးအောင် မထားရဘူးလို့ ပြောကြတဲ့ အယူအဆတွေကြောင့် ညတွင်းချင်း သင်္ဂြိဟ်ချင်ကြောင်း ပြောလာပါတယ်။
ကျွန်မလည်း ရှေးက အယူသီးမှုတွေကို ပယ်သင့်ကြောင်း မနက်မိုးလင်းမှ ကလေးကို ကောင်းမွန်စွာ သင်္ဂြိုဟ်လို့ရကြောင်း ပြောပေမယ့် ရှေးထုံးစံဖျက်မရဆိုတဲ့ အယူသီးလွန်ကဲမှုတွေ၊ အနီးပတ်ဝန်းကျင်က ခိုက်တယ်လို့ ပြောမှာစိုးတဲ့အတွက် ချက်ချင်းသင်္ဂြိုဟ်ပေးဖို့ အကူညီတောင်းလာတဲ့ နာရေးရှင်တွေ စိတ်ချမ်းသာ အပူအေးစေဖို့ ကျွန်မနီးစပ်ရာ အသင်းသား ၁၀ယောက် အမြန်စုရုံးပြီး နာရေး အိမ်မှ မြို့မသုဿာန်သို့ ည ၉ နာရီ အချိန်ရောက်ရှိ မြေမြုပ်သင်္ဂြိုဟ်ပေးခဲ့ကြရပါတယ်။
မှောင်မဲနေတဲ့ သင်္ချိုင်းမှာ လက်နှိပ်ဓါတ်မီးရောင် မှိန်မှိန်လေးနဲ့ မြေကျင်းတူးကြတဲ့ အသင်းသားတွေရဲ့ စိတ်ထဲမှာ ကလေးအပေါ် သနားမှု မိဘတွေရဲ့ ရင်နာကြေကွဲမှုတွေ မျှဝေခံစားရင်း ကောင်းမွန်စွာ ကလေးလေးကို မြေမြုပ်သင်္ဂြိုဟ်ပေးခဲ့ကြပါတယ်။ ဒီညရဲ့ အဖြစ်အပျက်ဟာ ကျွန်မတို့ အသင်းအတွက် မမေ့နိုင်စရာ ဖြစ်ရပ်ကလေးပါပဲ။
အချိန်တန်လို့ နို့သက်လာပြီး သောက်သုံးမဲ့သားလေးမရှိတော့တဲ့ မိခင်တစ်ယောက်ရဲ့ရင်ထဲက ကြေကွဲမှု၊ ဝဋ်ကြွေးတွေအပြည့် ဝေဒနာတွေအပြည့်နဲ့ ၂ရက်သာ လူ့ဘဝထဲကို ရောက်လာခဲ့ကြပြီး မိခင်ရဲ့ နို့ချိုချိုကို ၂ရက်သာသောက်ပြီး ဘာမှမသိလိုက်ရဘဲ မိခင်ရင်ခွင်မှ ပြန်လည်ထွက်ခွာခဲ့တဲ့ ကလေးရဲ့ ဘဝကို စာနာမှုတွေအပြည့်နဲ့ ကျွန်မတို့ အသင်းသားတွေ ရင်ထဲမှာ အတူတကွ ဆုတောင်းပေးလိုက်မိပါတယ်။
ကောင်းမွန်တဲ့ ဘုံဘဝကို ရောက်ပါစေကလေးရယ်။ နောင်ဘဝတွေများ ရှိခဲ့မယ်ဆိုရင် ဒီအမေနဲ့ ဒီသားလေး ဒီလို ဝဋ်ကြွေးကံကြမ္မာမှ ကင်းလွတ်ပြီး အမိရဲ့ ရင်ခွင်မှာ နို့ချိုတွေကို သောက်သုံးပြီး ပျော်ရွှင်တဲ့ မိသားစုဘဝကို ပိုင်ဆိုင်ခံစားရှင်သန်နိုင်ပါစေလို့ မဇ္ဈိမလူမှုကူညီရေး ဥက္ကဌဦးတင့်ဆွေနဲ့တကွ အသင်းသူ အသင်းသားများမှ ဆုတောင်းပေးလိုက်ပါတယ်။
ဒီဖြစ်ရပ်မှန်လေးကို ရင်ထဲမှာ ခံစားရသမျှ ဝေမျှလိုက်ရပါတယ်။ အယူသီးမှုတွေ အမြန်ဆုံးပပျောက်နိုင်ပါစေ။
ဆောင်းပါးရှင် ။ ။ ဒေါ်သန်းသန်းဌေး ( မဇ္ဈိမလူမှုကူညီရေးအသင်း )
ZinYaw
0 comments:
Post a Comment