စင်ကာပူ သြဂုတ် ၂
စင်ကာပူနိုင်ငံမှ အသက် ၁၅ နှစ် အရွယ် အမျိုးသမီးငယ် တစ်ဦးသည်
အသက်ရှူစဉ်တွင် လည်ချောင်း အတွင်း အသံများ ထွက်လာပြီး အရွယ်အားဖြင့်လည်း လမ်းလျှောက်တတ်စ ကလေးငယ်တစ်ဦး အရွယ်ကဲ့ သို့ဖြစ်ကာ ထူးဆန်းသည့် ရောဂါတစ်မျိုးကို ခံစားရလျက် ရှိသည်ဟု အင်တာနက် သတင်း တစ်ရပ်အရ သိရသည်။
ပေရှန်း အမည်ရှိ အဆိုပါ မိန်းကလေးသည် အသက် လေးလအရွယ်တွင် ဆေးရုံသို့ ပထမဆုံး အကြိမ် တက်ရောက် ခဲ့ရပြီး သူမ၏ ရောဂါမှာ အသက်ရှူလျှင် သလိပ်သံနှင့် ခက်ခက်ခဲခဲ အသက်ရှူရပြီး လည်ချောင်းနာသံ ထွက်ပေါ်လာသည့် ရောဂါဖြစ်သည်။
ဆေးရုံသို့ သွားရောက်ပြီး နောက်တွင် ကလေးငယ်၏ ခန္ဓာကိုယ် အရွယ်အစားမှာ ရွယ်တူ သာမန်ကလေး ငယ်များနှင့် မတူဘဲ တိုနေခြင်းကြောင့် သူမ၏ ရုပ်ပိုင်းဆိုင်ရာ ဖွံ့ဖြိုးမှုမှာလည်း သာမန်နှင့် မတူဘဲ ဖွံ့ဖြိုးမှု နောက်ကျ နိုင်ကြောင်း ဆရာဝန်များက ပြောကြားခဲ့သည်ဟု သိရသည်။
ပေရှန်းသည် လာမည့် သီတင်းပတ်တွင် အသက် ၁၅ နှစ်ပြည့်မည် ဖြစ်သော်လည်း သူမကို မြင်သူတိုင်းက လမ်းလျှောက်တတ်စ ကလေးငယ် ဖြစ်သည်ဟုသာ ထင်မြင်ရကြောင်း၊ သူမ၏ ရောဂါ အခြေအနေနှင့် ပတ်သက်၍ မည်ကဲ့သို့ ကုသရမည်ကို ဆရာဝန်များ အနေဖြင့် ယနေ့ အချိန်အထိ မဖော်ထုတ် နိုင်သေး ကြောင်း သိရသည်။
အေးချမ်းမွန်
0 comments:
Post a Comment