ထမင်းကို ဆီဆမ်း၊ ဆားဖြူးပြီး စားနေခိုက် ကြက်ပေါင် ကိုက်စားသလို စိတ်က မျှော်မှန်း စားသောက်ခဲ့ရသူ နာမည်ကျော် အလှမယ်

ပြီးခဲ့တဲ့ ရက်ပိုင်းက ဘယ်လာရုစ်နိုင်ငံမှာ ကျင်းပသွားခဲ့တဲ့ Miss Supranational 2013 မှာ သရဖူဆောင်း သွားတဲ့ ဖိလင်ပိုင်နိုင်ငံက မစ္စ Mutya Datul ရဲ့ ဘ၀ ဇာတ်ကြောင်းလေးကို ဖိလစ်ပိုင်း ရုပ်သံ သတင်းဌာန တခုနဲ့ မေးမြန်း တင်ဆက်ထားတာပါ။

Miss Supranational 2013 ဆုရှင် ဖိလစ်ပိုင်အလှမယ် Mutya Datul
Mutya ဟာ ငယ်စဉ်က ကျေးလက်တောရွာကမှာ မွေးဖွားကြီးပြင်းခဲ့တာဖြစ်ပြီး ဆင်းရဲတဲ့ မိသားစု က ပေါက်ဖွားလာတာ ဖြစ်သလို သူ့ဘ၀မှာ ဆင်းရဲမှုကြောင့် ဆာလောင်မှုတွေနဲ့ မကြာခဏ ကြုံဆုံခဲ့ရ တာလေးကိုလည်း မေးမြန်းခန်းတခုမှာ ပြောသွားပါတယ်။

ပြကွက်တခုမှာတော့ သူဟာ မိသားစုနဲ့ အတူ ထမင်းစားဝိုင်းမှာ ထမင်းကို ဆီဆမ်း၊ ဆားဖြူးပြီး စားနေခိုက် ကြက်ပေါင် ကိုက်စားသလို စိတ်က မျှော်မှန်း စားသောက်ခဲ့ရတာကိုလည်း ပြောပြသွားပါတယ်။

ငယ်စဉ်ကျောင်းသူဘ၀ တုန်းက အတန်းထဲမှာ ဈေးရောင်းပြီး ဘ၀ကို ဖြတ်သန်းခဲ့ရတာလည်း သူက မချွင်း မချန် ပြောသွားပါသေးတယ်။

သူဟာ ဖိလစ်ပိုင်းနိုင်ငံမှာလည်း အခြား အလှမယ်ပြိုင်ပွဲတွေမှာလည်း ဆုတွေ ရခဲ့တဲ့အကြောင်းအပါအ၀င် အခုနောက်ဆုံး အမေရိကန် ဒေါ်လာ ၂ သောင်းခွဲနဲ့အတူ Miss Supranational 2013 သရဖူ ဆုရနဲ့အတူ မိခင် နိုင်ငံကို ပြန်လာခဲ့ပါတယ်။

သူ့ဇာတိမြေကို ပြန်လာရာလမ်းတလျှောက် သူ့ကို အားပေးချီးမြှောက်ကြိုဆိုနေကြတဲ့ ဒေသခံတွေကိုလည်း သူက အားပေး စကား တွေ ပြောခဲ့ပါသေးတယ်။



By ဧရာဝတီဘလော့ဂ်

Today Myanmar.................မှ